Hanjaga Diri Lan Keluwarga Saka Neraka - Khutbah Bahasa Jawa

Kabeldakwah.com

Hanjaga Diri Lan Keluwarga Saka Neraka.Pdf

Oleh: Ust. Dr. Abu Zakariya Sutrisno

Pangalih Basa: Muhammad Wasito

Khutbah Kapisan:

اَلْحَمْدُ لِلَّهِ عَلَى إِحْسَانِهِ، وَالشُّكْرُ لَهُ عَلَى تَوْفِيْقِهِ وَامْتِنَانِهِ، وَأَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ تَعْظِيْمًا لِشَأْنِهِ، وَأَشْهَدُ أَنَّ نَبِيَّنَا مُحَمَّدًا عَبْدُهُ وَرَسُوْلُهُ، صَلَّى اللهُ عَلَيْهِ وَعَلَى آلِهِ وَأَصْحَابِهِ، وَسَلَّمَ تَسْلِيْمًا مَزِيْدًا

يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيرًا وَنِسَاءً وَاتَّقُوا ﷲَ الَّذِي تَسَاءَلُونَ بِهِ وَالأرْحَامَ إِنَّ ﷲَ كَانَ عَلَيْكُمْ رَقِيبًا (النساء: ١)

أَمَّا بَعْدُ:

Jama’ah ibadah Jum’ah rahimakumullah,

Langkung rumiyen sumangga kita tansah muji syukur dumateng Allah, awit sedaya nikmat ingkang Allah paringaken dumateng kita. Syukur ing lisan ing qolbi, ugi kanthi amal perbuatan. Sak lajengipun, sholawat lan salam mugya tansah kacurah ing panutan kita, nabi Muhammad shallallahu ‘alaihi wasallam. Mboten katalumpen lumantar mimbar Jum’at punika, khatib ngemutaken diri khatib piyambak lan jama’ah sedaya, tansaha ningkataken keimanan lan ketaqwaan dumateng Allah subhanahu wa ta’ala. Taqwa punika sak sae-saenipun bekal ing dunya lan akhirat mangke.

Kaum muslimin rahimakumullah,

🏷 Allah merintahaken kita sedaya kaum muslimin, supados hanjaga diri kita lan keluwarga kita saking geni neraka. Allah Ta’ala paring dawuh:

يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ

“He wong kang padha iman, jaganen dirimu lan keluwargamu saka geni neraka kang urub-urube manungsa lan watu; panjagane malaikat-malaikat kang kasar, keras, lan ora ndurakani Allâh ing perintahe, lan setya nindakake apa kang diperintahake.” (QS at-Tahrim: 6)

Sumangga ing khutbah Jum’at minulya punika kita gatosaken perintah Allah ing ayat punika. Perintah hanjaga diri lan keluwarga saking geni neraka. Piyantun jaler punika pinangka kepala keluwarga nggadahi tanggel jawab kangge njagi keluarganipun saking geni neraka. Punapa kita lila anak lan istri kita dipun lebetaken ing neraka?? Temtu kemawon mboten. Geni neraka punika nggegirisi panasipun. Satemah ing surat at Tahrim ayat 6 kala wahu dipun sebataken: وَقُودُهَا النَّاسُ وَالْحِجَارَةُ ( urub-urube manungsa lan watu). Imam asy-Syaukâni rahimahullah nafsiraken ayat punika, “Yaiku geni neraka kang gede banget, diurubake kanthi manungsa lan watu, kaya dene geni liya kang diurubake kalawan kayu ” (Fat-hul Qadîr, 7/257). Menawi geni dunya urub-urubipun kayu, kita lebetaken watu mboten mungkin saged murub kobong. Geni ing dunya punika kurang panas kangge ngelelehaken lan ndasosaken watu minangka urub- urubipun. Beda kalawan geni neraka! Geninipun estu- estu panas. Urub- urubipun watu lan manungsa. Naudzubillahi mindzalik.

Jama’ah rahimakumullah.

🔖 Sumangga kita jaga diri kita lan keluwarga kita saking geni neraka. Ampun ngantos kita lan keluwarga kita lumebet neraka. Napa malih dados urub- urube geni neraka. Lajeng kados pundi cara njaga keluwarga kita saking geni neraka? Dipun sebataken ing tafsir ibnu Katsir, Ali radhiyallahu ‘anhu nafsiraken ayat punika,:,

أدبوهم وعلموهم

Tegesipun, “didiken lan ajarana anak- anakmu”.

Tugas utama kepala keluwarga non injih ndidik lan ngajari anak lan istrinipun. Ing antawisipun ingkang paling penting njih punika ndidik dan ngajari tigang perkawis penting: ngajari aqidah, ngajari ibadah, lan ngajari akhlaq mulya.

📌Angka sepisan: hangajari aqidah

 Perkawis ingkang utama njih punika ngajari aqidah ingkang lurus, mahamaken perkawis tauhid lan nebihaken saking syirik. Punika ingkang paling penting kangge nebihaken diri kita lan keluwarga kita saking geni neraka. Ing Surat Luqman ayat 13-19, Allah nglanggengaken nasihat-nasihat Luqman Al Hakim dumateng putranipun. Luqman punika tuladan tyang sepah ingkang sholih ingkang perhatian dumateng keng putra. Luqman handidik lan hangajari putranipun perkawis- perkawis ingkang penting. Punapa ingkang sepisanan dipun wucalaken dumateng keng putra? Mboten sanes njih punika masalah tauhid, nebihi syirik. Allah paring dawuh ing surat Luqman ayat 13:

وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لَا تُشْرِكْ بِاللَّهِ إِنَّ الشِّرْكَ لَظُلْمٌ عَظِيمٌ

“Lan (elinga) nalika Luqman dawuh marang anake, aweh pitutur: "He anakku, sira aja nyekutuake Allah, sak temene nyekutuake (Allah) iku temen-temen kezaliman kang gede". (QS Luqman: 13)

Cobi kita simak ugi wasiat Nabi Ya’qub ‘alaihissalam dumateng putra-putra nipun rikala bade wafatipun. Allah paring dawuh:

اَمْ كُنْتُمْ شُهَدَاۤءَ اِذْ حَضَرَ يَعْقُوْبَ الْمَوْتُۙ اِذْ قَالَ لِبَنِيْهِ مَا تَعْبُدُوْنَ مِنْۢ بَعْدِيْۗ قَالُوْا نَعْبُدُ اِلٰهَكَ وَاِلٰهَ اٰبَاۤىِٕكَ اِبْرٰهٖمَ وَاِسْمٰعِيْلَ وَاِسْحٰقَ اِلٰهًا وَّاحِدًاۚ وَنَحْنُ لَهٗ مُسْلِمُوْنَ

Apa sira dadi seksi nalika maut tumeka ing Yakub, nalika deweke kandha marang anak-anake, “Apa kang sira sembah sak pungkurku?” Anak-anak e padha matur, “Kita bade nyembah Pengeran panjenengan lan Pengeran nenek moyang panjenengan njih punika Ibrahim, Ismail lan Ishak, (yaiku) Pengeran Kang Maha Tunggal lan kita (namung) pasrah diri dumateng (Allah)..” (QS. Al-Baqarah: 133).

Tyang sepah ingkang sholih bade perhatian saestu dumateng aqidah anakipun karana punika bab ingkang paling wigati ingkang bade nyelamataken dunya lan akhiratipun. Tyang ingkang keblusuk ing kesyirikan bade kekal ing neraka salami-lamiya. Nanging anehipun sak kathahing manungsa namung menggalih anakipun isoh mangan apa, kerja apa lan sanesipun. Namung menggalih masalah duniawi kewala.

📌Angka kalih: ngajari ibadah.

Perkawis ingkang penting kangge nebihaken keluwarga kita saking geni neraka njih punika kanthi ngajari bab ibadah. Kita gatosaken estu ibadahipun wiwit sholat, pasa, zakat lan sanesipun. Ampun ngantos keluwarga kita dados tyang ingkang lirwa saking ibadah dumateng Allah. Khususipun ingkang paling penting njih punika sholat,karana dados tolak ukur ibadah sanesipun. Menawi sholatipun sae insyaallah ibadah sanesipun ugi sae. Pramila, ing dalem al Qur’an Allah kanthi khusus merintahaken kita supados merintah keluwarga kita ngleksanaaken sholat. Allah paring dawuh:

وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا

“Lan perintahna marang keluwarganira supaya nindakake shalat lan sira sabara anggonira padha nindakake ” (QS Thaha: 132)

Ing ayat punika, nalika merintah keluwarga supados sholat, Allah nyebataken prayogi kita bersabar (وَاصْطَبِرْ عَلَيْهَا). Kadang mboten gampil merintah keluwarga supados sholat napa malih nalika tasih alit. Perlu kesabaran. Kita mboten kenging ndelah. Wiwit alit nadyan susah ananging insyaallah tasih saged dipun arahaken. Tinimbang mangke telat, nalika sampun dewasa mboten purun sholat. Pramila Rasulullah sabda:

مُرُوا أَوْلاَدَكُمْ بِالصَّلاَةِ وَهُمْ أَبْنَاءُ سَبْعِ سِنِينَ وَاضْرِبُوهُمْ عَلَيْهَا وَهُمْ أَبْنَاءُ عَشْرِ سِنِينَ

“Perintahna anak-anakmu supaya shalat nalika umur pitung tahun, lan gebuken yen umur sepuluh tahun (nora gelem shalat)” (HR. Al Hakim, dishahihkan Albani)

📌Angka tiga: ngajari akhlaq ingkang mulya.

Kajawi ngajari aqidah lan ibadah, perkawis penting sanesipun kangge nebihaken diri kita lan keluwarga kita saking neraka njih punika kanthi nanemaken akhlaq ingkang mulya. Rasulullah nate dipun tangledi bab punapa ingkang paling kathah nglebetaken dateng suwarga, Rasulullah ngendika:

تَقوى اللهِ، وحُسْنُ الخُلُقِ

“Taqwa marang Allah lan akhlaq kang becik” (HR. Tirmidzi 2004, dihasankan Albani)

Akhlaq ingkang mulya dados sarana penting kangge mlebet suwarga lan nebihaken saking neraka. Sumangga kita ajari keluwarga kita akhlaq ingkang mulya. Akhlaq ingkang mulya punika dumateng sinten?. Ingkang paling utama, temtu akhlaq dumateng Allah, akhlaq dumateng Rasul, akhlaq dumateng tyang sepah, tetangga, guru, lan sanesipun. Sak punika kathah sanget anak ingkang mboten nggadahi akhlaq dumateng tyang sanes, cubluk ing sopan santun, lan sanes-sanesipun. Tyang sepah nggadahi kuwajiban agung hanjaga akhlaq anakipun. Kalebet ingkang paling penting njih punika kanthi paring tuladan ingkang sae. Kados pundi anak kita bade sae akhlakipun menawi tyang sepahipun mboten sae. Kalebet cara sanesipun, njih punika prayogi kita papanaken anak kita ing lingkungan ingkang sae, contonipun ing tempat belajar ingkang sae. Dipun sekolahaken utawi dipun pondokaken ingkang sae. Punika penting sanget.

Makaten khutbah kapisan ingkang saged kaaturaken, mugya manfaati.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

 

Khutbah Kapindho:

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ

Jama’ah ibadah Jum’ah rahimakumullah.

Kita nggadahi kuwajiban hanjaga diri kita lan keluwarga kita saking genu neraka (قُوا أَنْفُسَكُمْ وَأَهْلِيكُمْ نَارًا). Ingkang paling penting, kados sampun kaaturaken ing khutbah kapisan njih punika, kita ndidik lan ngajari keluwarga kita kanthi tigang perkawis: ngajari aqidah, ngajari ibadah lan ngajari akhlaq.Wonten setunggal malih bab ingkang ugi wigati,non injih do’a. Kadang kala susah sanget hangajak keluwarga supados belajar aqidah, angel diajak ngibadah lan sanes- sanesipun.Wonten ingkang angel diajak sholat. Tasih asring nglirwaaken sholat. Ampun ndelah. Kita tasih gadah senjata ingkang ampuh non injih do’a. Ampun kesupen ndungaaken keluarga kita. Punapa malih do’a kangge anak. Do’a tyang sepah dumateng anakipun punika mustajab. Kalebet do’a ingkang saged kita haturaken njih punika do’a-do’a ingkang dipun ajaraken Nabi Ibrahim ingkang Allah langgengaken ing surat Ibrahim ayat 35-41. Allah mboten nglanggengaken do'a punika ing dalemAl Qur’an kajawi ngandung faedah ageng, ing antawisipun supados saged kita tuladani. Keparenga kawula tutup khutbah punika kanthi nyulik satunggiling do’a ing surat Ibrahim ayat 40, Nabi Ibrahim ndedunga murih diri lan keturunanipun dasos tyang ingkang tansah njejegaken sholat. Yen kita rumaos diri kita utawi anak kita susah nindakaken sholat, sumangga asring- asring maos do’a punika:

رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء

Duh Pengeran kula, mugi Paduka ndadosaken kula lan anak putu kula tyang- tyang ingkang tetep njejegaken shalat, duh Pengeran kula, mugi Paduka ijabahi do’a kula (QS Ibrahim: 40)

Makaten, mugi manfaati. Sumangga kita tutup khutbah punika kanthi sholawat lan doa.

إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا

اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدّعَوَاتِ

رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلّاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ

رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ

رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّارِ

وَصَلَّى اللَّهُ عَلَى نَبِيِّهِ مُحَمَّدٍ وَآخِرُ دَعْوَانَا أَنِ اَلْحَمْدُ لِلَّهِ رَبِّ اَلْعَالَمِينَ